recent
أخبار ساخنة

طريقة عمل خطة سيو لموقعك SEO

طريقة عمل خطة سيو لموقعك SEO
 

إزاي تعمل خطة SEO لموقعك 


الشرح هيكون طويل شوية لكن مفيد ومفيش حد شرحه قبل كدا

في 3 خطوات اساسية لازم تكون عملتها وعارف نتايجها

1- الـ Keyword Research لازم تكون خلصته وحددت الكلمات المفتاحية اللي هتنافس عليها او اللي هتشتغل بيها في موقعك😊

2- ال Competitor Keyword Analysis بمعني أصح الكلمات المفتاحية اللي اختارتها مين اللي بينافس عليها وايه طريقة شغلهم عليها واي نقاط الضعف والقوة عندهم 👳

3- بعد ما تكون عملت الخطوتين اللي فوق دول هيبقى عندك الخطوة التالتة واضحة وهي ايه اللي محتاجه الموقع بتاعك بضبط ؟ عشان ينافس في الكلمات المفتاحية اللي اختارتها 👽

حلو اوي كدا انت كدا عرفت النقاط الاساسية اللي حددت ليك هدفك عشان تحط خطة تحقق بيها الاهداف دي 😅


مراحل تجهيز خطة ال SEO


زي اي موقع لما بيجي يبدأ بيبقي عامل زي الكتكوت اللي طالع من البيضة 🐣 بضبط💯

دورك انك تاخده تكبره وتخليه ينتج بيض كتاكيت تاني 

يبقي الهدف الأساسي بتاعنا هو اننا نخلي الموقع يكبر ويبدأ يجني علينا نتايج سواء كانت معنوية (كالشهرة)⚡️⚡️ او مادية ملموسة (الفلوس)💰

لو فرضنا انك عندك موقع عبارة عن 5 صفحات لشركة تنظيف حشرات مثلاً🕷🐞

الصفحة الواحده بتنافس على 3 كلمات أساسية و30+ كلمة Related بيهم 🔥 

يبقى احنا كدا عندنا 15 كلمة أساسية واكتر من 150 كلمة Related بيهم 🔥 

ايه اللي المفروض تعمله عشان تخلي الموقع بتاعك Ready to compete

او بمعني أخر جاهز انه ينافس في الكلمات المفتاحية اللي حددتها واللي عملت تحليل المنافسين فيها واللي عرفت وحددت نقاط الضعف والقوة عندهم

وهنا هتسأل نفسك 3 اسئلة مهمين 🙏


  1.  الموقع بتاعك محتاج ايه عشان ينافس على الكلمات المفتاحية المحددة مسبقاً ؟
  2.  ايه ممكن يميز الموقع بتاعي عن المنافسين؟
  3.  محتاج كام شخص يساعدني في تنفيذ الأهداف دي ؟ 🎯 (للشركات)



بما انك جاوبت على الاسئلة الي فوق دي كدا انت بقيت جاهز انك تحط الخطوات الاساسية للخطة 

سمي بإسم الله عز وجل 

وهات ورقة وقلم واكتبي ورايا يا ست الكل 😂😂


  • الصفحة الأولي أكتب فيها الهدف بتاعك 🥝🥈
  • الصفحة الثانية أكتب فيها المنافسين والتحليل لكل منافس ⭐
  • الصفحة الثالثة أكتب فيها مشاكل موقعك كلها (سرعة - عدم تنسيق - محتاج Optimize)🤴🏻
  • الصفحة الرابعة خطوات العمل لحل المشاكل المذكورة في الصفحة الثالثة ツ
  • الصفحة الخامسة هتبدأ تحل اي issue موجودة في الموقع او برا الموقع🙏🏻
  • الصفحة السادسة هتعمل Audit للموقع بتاعك بشكل كامل 🕵🏻👱🏻
  • الصفحة السابعة هتعمل فيها roadmap للموقع بتاعك على مدى 3 شهور جايين لو عرفت تخليهم 6 هيكون افضل

هتحدد بقا مثلاً عدد المقالات او عدد الباك لينك اليومي إلخ إلخ 🙃🙃

الصفحة الثامنة هتعمل Timeline لكل شئ هتعمله من يوم كذا ليوم كذا هعمل واحد اتنين ومن يوم كذا ليوم كذا هعمل اتنين تلاتة وهكذا 

عشان تبقى محدد كل شئ ورابط نفسك بdeadline لكل شئ عشان متبقاش الدنيا مش واضحة ولا معروف أمتي كل شئ هيخلص ✔️✔️

لو كنت شاطر اوي هتعمل صفحة كمان وتكون دي خطة Link building واضحة معروف كل لينك رايح فين ولفين وراجع منين لفين عشان تقدر تعرف اي مشكلة بتحصل وتقدر تحلها بسهولة لكن بصراحة الموضوع بيحتاج مرهق ويحتاج متابعة مستمرة وإعداده يحتاج خبرة وممارسة كبيرة

انا كدا خلصت اسف لو طولت عليكم وشكراً ليك كملت لحد هنا ✌️ ✍️

دمتم بخير❤️❤️

حسن عصام


google-playkhamsatmostaqltradent