كيفية فتح حساب بنكى ل أستلام حوالات جوجل أدسنس فتح حساب في بنك اسكندرية بخصوص الحسابات البنكية عن تجربة
انا فاتح حساب في بنك اسكندرية “حساب توفير ” بالجنية المصري وبستلم عليه من زمان حوالي سنة أو أكتر .
الحساب بالجنية المصري والفلوس بتتحول بالجنية بحسب سعر الصرف في نفس يوم وصول المبلغ في البنك
الفلوس بتوصل يوم 24 أو 26 دا اكتر حاجه حصلت معايا
أهم نقطة ( مصاريف التحويل )
اكتر حاجه سحبها مني 5 دولار ودي مرة واحدة علي مدار عام اوقات كتير بتوصل الفلوس زي ما هي بدون خصم مصاريف تحويل .
بتستلم فيزا من البنك بعد 10 أو 15 يوم من عمل الحساب وتفعلها وتقدر تسحب بيها من اي ماكينة .
بخصوص الاوراق ال عامل بيها الحساب
هي البطاقة الاصل وصور البطاقة بس مش فاكر كام صورة
وانت في البنك بعد عمل الحساب هيقولك حط اي مبلغ تنشيط للحساب حط 1000 جنية وممكن بعد كدا تسحبه عادي بدون اي مشاكل علي الحساب
مصاريف فتح الحساب 60 جنية ومصاريف التجديد 60 جنية سنوياً وبتتخصم من الحساب مباشر
بالنسبة لربط الحساب البنكي بحساب جوجل ادسنس
هتدخل علي الدفعات
اضافة طريقة دفع جديدةحل مشكلة استلام ارباح ويسترن يونيون في مصر 2020
اختيار إضافة تفاصيل جديدة للتحويل الإلكترون
هتكتب اسمك باللغة الانجليزية ويفضل زي ما مكتوب في الحساب ( وتقدر تفتح حسابك علي اي متصفح وتاخد الاسم نسخ )
اكتب اسم البنك باللغة الانجليزية
Bank of Alexandria
اكتب السويفت كود وهيكون الكود التالي وموحد للجميع
ALEXEGCXXXX
بعدين تكتب رقم الحساب مرتين واحفظ طريقة الدفع